„Ég held að flestir hafi verið farnir að búast við þessu. Gengi liðsins hefur ekki verið upp á marga fiska," segir Jón Daði Böðvarsson um tíðindi vikunnar frá hans félagsliði, Reading.
Knattspyrnustjórinn Jaap Stam var látinn taka pokann sinn en Reading er aðeins þremur stigum fyrir ofan fallsæti í Championship-deildinni ensku.
Knattspyrnustjórinn Jaap Stam var látinn taka pokann sinn en Reading er aðeins þremur stigum fyrir ofan fallsæti í Championship-deildinni ensku.
„Þessar fréttir komu mér ekki í opna skjöldu. Miðað við hvað þjálfarar fá stuttan tíma í þessari deild þá fékk hann góðan tíma. Ég held að það hafi verið best í stöðunni."
Persónulega hefur Jóni Daða þó gengið vel.
„Ég er að eiga eitt mitt besta tímabil í atvinnumennskunni. Ég er að skora mikið af mörkum og finna mig vel inni á vellinum. Ég er sáttur við persónulegu frammistöðuna mína þó það sé auðvitað leiðinlegt þegar gengi liðsins er svona."
„Þetta hefur verið ansi erfitt, mikið af jafnteflum og töpum. Við höfum ekki unnið í 18 leikjum í röð núna. Okkur vantar gríðarlega að fá sigur í pokann. Þetta er ekki nægilega gott og það er erfitt að komast út úr svona," segir Jón Daði.
Hann er með íslenska landsliðinu í Bandaríkjunum þar sem framundan eru vináttulandsleikir gegn Mexíkó og Perú. Er hann farinn að finna að það styttist í HM?
„Það er rosalega stutt í þetta en ég hef reynt að hugsa ekki neitt út í þetta. Mér finnst það ekkert hjálpa. Frammistaða mín með Reading skilar góðri frammistöðu með landsliðinu svo Reading er í forgangi núna ásamt því að gera mig kláran fyrir landsliðið."
Viðtalið er í heild í sjónvarpinu hér að ofan.
Sjá einnig:
Jón Daði og Kolbeinn ekki með gegn Mexíkó
Athugasemdir