Ísland fékk skell gegn Mexíkó í nótt en úrslitin voru of stór miðað við það hvernig leikurinn spilaðist.
Marco Fabian kom Mexíkó yfir úr aukaspyrnu undir lok fyrri hálfleiksins en í þeim seinni gerði Miguel Layun, leikmaður Sevilla á Spáni, tvö mörk til viðbótar.
Marco Fabian kom Mexíkó yfir úr aukaspyrnu undir lok fyrri hálfleiksins en í þeim seinni gerði Miguel Layun, leikmaður Sevilla á Spáni, tvö mörk til viðbótar.
Seinna mark hans var ansi skrautlegt en hann skaut þá yfir Rúnar Alex Rúnarsson í marki Íslands af löngu færi. Rúnar Alex bjóst við fyrirgjöfinni og Layun nýtti sér það með því að lyfta boltanum yfir markvörðinn efnilega.
„Layun skorar furðulegt mark. Hann er um 25 metra frá marki á móts við vítateigslínuna hægra megin. Rúnar Alex bjóst við fyrirgjöfinni og Layun nýtti sér það með því að lyfta boltanum yfir hann. Vel gert hjá Layun en Rúnar Alex er eflaust ekki sáttur með þetta mark," sagði Elvar Geir Magnússon í beinni textalýsingu á Fótbolta.net.
Ólafur Kristjánsson, þjálfari FH, hefur unnið með Rúnari Alexi og hann sagði að atvikið myndi fara í reynslubankann hjá honum. „Rúnar Alex er þannig skrúfaður saman að þetta herðir hann og gerir hann að betri leikmanni."
Hér að neðan er markið en með því að smella hér má sjá öll mörkin úr leiknum á vef RÚV.
Sjá einnig:
Rúnar Alex endaði sem markvörður eftir dvöl á spítala
#MEXvISL @Miguel_layun wraps up a great night at @LevisStadium with another golazo!#SoyMéxico | #MEXTOUR pic.twitter.com/aYv70sCUR2
— Mexican National Team (@miseleccionmxEN) March 24, 2018
Athugasemdir