En hver mun taka við liðinu af Heynckes? Það verður að minnsta kosti ekki Tuchel, sem er fyrrum stjóri Dortmund.

„Við stefnum að því að kynna nýjan þjálfara okkar í lok apríl, í síðasta lagi," sagði Rummenigge við Sky.

„Við erum ekki að flýta okkur, við erum rólegir. Við höfum áður ráðið þjálfara nokkrum dögum áður en æfingar hefjast. Við viljum þjálfara sem talar þýsku og þannig er það."

„Íþróttastjóri okkar, Hasan Salihamidzic, hefur rætt við nokkra þjálfara og þar á meðal Tuchel. Síðastliðinn föstudag sagði Tuchel við okkur að hann væri búinn að semja við annað félag."

Tuchel hefur verið orðaður við Arsenal og sagði þýska goðsögnin Lothar Matthaus í síðustu viku að hann vissi til þess að Tuchel væri að ræða við Arsenal. Tuchel hefur einnig verið orðaður við Paris Saint-Germain en það verður spennandi að sjá við hvaða liði þessi fyrrum þjálfari Dortmund tekur við.