Íslendingalið Halmstad fer ekki vel af stað í sænsku B-deildinni eftir að hafa fallið úr úrvalsdeildinni í fyrra.
Liðið mætti Örgryte á útivelli í dag og var Höskuldur Gunnlaugsson í byrjunarliðinu og Tryggvi Hrafn Haraldsson á bekknum.
Til að gera langa sögu stutta þá vann Örgryte 2-0 með tveimur mörkum í fyrri hálfleiknum. Höskuldur spilaði allan leikinn og Skagamaðurinn Tryggvi spilaði síðustu 15 mínúturnar.
Liðið mætti Örgryte á útivelli í dag og var Höskuldur Gunnlaugsson í byrjunarliðinu og Tryggvi Hrafn Haraldsson á bekknum.
Til að gera langa sögu stutta þá vann Örgryte 2-0 með tveimur mörkum í fyrri hálfleiknum. Höskuldur spilaði allan leikinn og Skagamaðurinn Tryggvi spilaði síðustu 15 mínúturnar.
Halmstad er aðeins með þrjú stig eftir fyrstu þrjá leiki sína í deildinni sem er ekki nægilega gott ef liðið ætlar sér beint upp aftur.
Íslendingafjör í úrvalsdeild kvenna
Önnur umferð úrvalsdeildar kvenna hófst í dag með fjórum leikjum.
Guðbjörg Gunnarsdóttir og Ingibjörg Sigurðardóttir léku með Djurgarden í svekkjandi jafntefli gegn Vaxjö á útivelli. Djurgarden vann sinn fyrsta leik og er því með þrjú stig eftir tvo leiki.
Glódís Perla Viggósdóttir og stöllur í Rosengard hristu af sér vonbrigðarjafnefli í fyrstu umferðinni og unnu 4-0 gegn Kalmar. Glódís spilaði allan leikinn.
Að lokum ber að nefna fjörugan Íslendingaslag Limhamn Bunkeflo og Kristianstad sem endaði með 3-3 jafntefli.
Rakel Hönnudóttir skoraði í fyrsta deildarleik sínum með LB 07 en hún náði ekki að skora í dag. Hún lék 80 mínútur og Anna Björk Kristjánsdóttir var allan tímann í vörn LB 07. Hjá Kristianstad spilaði Sif Atladóttir allan leikinn og þá er Elísabet Gunnarsdóttir þjálfari liðsins og Björn Sigurbjörnsson aðstoðarmaður hennar.
Athugasemdir