Salah er kominn með 43 mörk í öllum keppnum.
Liverpool goðsögnin Steven Gerrard segir að Mohamed Salah sé besti leikmaðurinn á plánetunni þessa stundina.
Salah var magnaður í 5-2 sigri Liverpool á Roma í undanúrslitum Meistaradeildarinnar í kvöld. Hann fékk verðskuldaða 10 í einkunn frá Mirror fyrir frammistöðu sína í kvöld.
Salah var magnaður í 5-2 sigri Liverpool á Roma í undanúrslitum Meistaradeildarinnar í kvöld. Hann fékk verðskuldaða 10 í einkunn frá Mirror fyrir frammistöðu sína í kvöld.
Tímabilið hefur verið algjörlega ótrúlegt hjá Salah sem er kominn með 43 mörk í öllum keppnum. Gerrard er í engum vafa um að hann sé besti leikmaður heims í augnablikinu.
„Án nokkurs vafa er hann besti leikmaðurinn á plánetunni þessa stundina," sagði Gerrard á BT Sport eftir leikinn í kvöld.
Lionel Messi og Cristiano Ronaldo hafa einokað Ballon d'Or verðlaunin, sem veitt eru besta leikmanni heims ár hvert, frá árinu 2008. Tekst Salah hið ótrúlega, að skáka þeim?
Athugasemdir
