Heimild: Fréttablaðið
Bjórinn mun flæða um Moskvu.
Erlendir fjölmiðlar hafa greint frá því að borgaryfirvöld í Moskvu í Rússlandi hafi sett bann á sölu áfengis daginn fyrir HM leiki í borginni og á leikdögum.
Sér þetta gert til að koma í veg fyrir bullulæti en Ísland mun leika fyrsta leik sinn á HM, gegn Argentínu, í Moskvu þann 16. júní.
Sér þetta gert til að koma í veg fyrir bullulæti en Ísland mun leika fyrsta leik sinn á HM, gegn Argentínu, í Moskvu þann 16. júní.
Haukur Hauksson, eigandi ferðaskrifstofunnar Bjarmalands, segir við Fréttablaðið að þessar fréttir séu rangar og engin ástæða sé til þess að hafa áhyggjur af bjórskorti í borginni.
Hann segir að FIFA hafi samið við Vladímír Pútín Rússlandsforseta um að létta á áfengislöggjöf vegna mótsins. Þær breytingar hafi þegar verið samþykktar á rússneska þinginu.
„Hins vegar er bannað að selja drykki í gleri vegna slæmrar reynslu þegar Rússland varð undir í leik gegn Japan og menn fóru að kasta bjórflöskum í risatjald á Rauða torginu. Þetta beinist því aðallega gegn glerflöskunum en sala á bjór verður leyfð í verslunum og á veitingastöðum. Ekki síst á sportbörum sem eru mjög víða um borgina," segir Haukur við Fréttablaðið.
„Þetta er því eiginlega enn ein „ekki fréttin“ um Rússland. Það verður meiriháttar dagskrá í gangi og nóg að gerast í landinu. Vel verður tekið á móti fólki og menningarlífið blómstrar með tónleikum og alls konar flottheitum."
Frá Moskvu. Það eru 49 dagar í HM.
Athugasemdir
