Jose Mourinho vill reyna að fá hinn 19 ára Justin Kluivert frá Ajax í sumar. Guardian segir að Kluivert vilji fara til Manchester United.
Justin Kluvert er sonur Patrick Kluivert sem gerði garðinn frægan sem sóknarmaður Barcelona og Hollands á árum áður.
Justin Kluvert er sonur Patrick Kluivert sem gerði garðinn frægan sem sóknarmaður Barcelona og Hollands á árum áður.
Það slitnaði upp úr viðræðum Kluivert við Ajax um nýjan samning en hann fór fram á að verða launahæsti leikmaður félagsins.
Hann bað um mikla launahækkun og klásúlu um að innkoma vegna sölu hans í framtíðinni færi til hans og umboðsmannsins Mino Raiola.
Kluivert vildi fá 1,5 milljón evra í árslaun en stefna Ajax er að borga engum leikmanni meira en 1 milljón evra.
Hann skorað 10 mörk í 30 deildarleikjum á þessu tímabili, þar á meðal þrennu í 5-1 sigri gegn Roda í nóvember og telur að hann eigi skilið að fá nýjan og betri samning.
Kluvert lék sinn fyrsta landsleik fyrir Hollands í mars, hann kom af bekknum i 3-0 sigri gegn Portúgal.
Kluivert getur spilað á báðum vængjum en hans staða númer eitt er vinstra megin.
Áhugi Mourinho á stráknum vekur enn fleiri spurningar um framtíð hins 22 ára Anthony Martial sem ekki hefur náð að eigna sér fast sæti undir stjórn Portúgalans. Mourinho gagnrýndi Martial eftir 1-0 tapið gegn Brighton & Hove Albion og hann var á bekknum í markalausu jafntefli gegn West Ham í gær.
Athugasemdir