Roy Hodgson ólst upp sem knattspyrnumaður hjá Crystal Palace en spilaði aldrei fyrir aðalliðið.

Hann tók við félaginu í fyrsta sinn á löngum þjálfaraferli þegar Frank De Boer var rekinn eftir fjóra tapleiki í fjórum fyrstu leikjum tímabilsins.

Liðið tapaði næstu fjórum leikjum og var stigalaust eftir átta umferðir en Hdogson tókst að snúa genginu við. Palace fékk 44 stig úr næstu 30 leikjum og endaði í 11. sæti.

Viðurkenningin heitir Freedom of the Borough og er sú æðsta sem borgarráðið getur veitt einstaklingi.

„Roy er fæddur hér og uppalinn. Hann hefur átt stórkostlegan feril í knattspyrnuheiminum og er núna stjóri og bjargvættur Crystal Palace," sagði Tony Newman, formaður borgarráðs.