Sindri hefur fengið fjóra leikmenn frá Bandaríkjunum fyrir átökin í Inkasso-deild kvenna í sumar.
Um er að ræða Crystal Lewin, 25 ára gamlan sóknarmann, Katelyn Nebesnick, 25 ára miðjumann, sem og þær Monique Goncalves, 24 ára varnarmann, og Nicole C. Maher, 25 ára markmann.
Nicole spilaði reyndar í sóknarlínunni í fyrtu umferðinni um síðustu helgi og skoraði jöfnunarmark Sindrastúlkna gegn Hömrunum í 2-2 jafntefli.
Einnig er Ylfa Beatrix N. Stephensdóttir komin aftur á heimahaga frá Stjörnunni.
Næsti leikur Sindra í Inkasso-deildinni er heimaleikur gegn Haukum á laugardaginn.
Athugasemdir