sun 20. maí 2018 14:00
Ívan Guðjón Baldursson
Rúrik og Anelka æfðu saman í Dúbaí
Icelandair
Mynd: Fótbolti.net - Hafliði Breiðfjörð
Rúrik Gíslason er að æfa undir þjálfaranum Meddy í Dúbaí þessa dagana, en hann er í fríi eftir tímabilið með Sandhausen í þýsku B-deildinni.

Rúrik hefur verið að spila mikið með Sandhausen undanfarið og er liðið búið að vera að prófa hann í hinum ýmsum stöðum.

Í síðasta leik byrjaði Rúrik fremstur, þar á undan var hann á vinstri kanti og þar áður í hægri bakverði.

Rúrik var valinn í landsliðshópinn sem fer til Rússlands í sumar og ætlar að vera í toppstandi þegar undirbúningurinn fyrir HM hefst.

Meddy hefur þjálfað marga fræga íþróttamenn í gegnum tíðina og er Nicolas Anelka að æfa hjá honum þessa stundina.


Athugasemdir
banner
banner
banner