Sif Atladóttir og Glódís Perla Viggósdóttir mættust er Kristianstad fékk Rosengård í heimsókn í stórleik í efstu deild sænska kvennaboltans.

Sif lék allan leikinn í hjarta varnarinnar undir stjórn Elísabetar Gunnarsdóttur og lék Glódís allan leikinn í vörn gestanna.

Sif og stöllur höfðu betur og unnu með tveimur mörkum gegn engu. Aðeins eitt stig skilur liðin að í öðru og þriðja sæti deildarinnar.

Kristianstad er taplaust í þriðja sæti með níu stig eftir fimm umferðir en þetta var fyrsta tap Rosengård, sem er núna fimm stigum eftir toppliði Piteå