Fimmtíu manna hópur ruddist inn á æfingasvæði Sporting og réðst á leikmenn og stjórnarmenn liðsins síðastliðinn þriðjudag.

Félagið íhugaði að hætta við að keppa í úrslitunum en leikmennirnir ákváðu sjálfir að mæta til leiks.

Liðsmenn Sporting voru þó augljóslega ekki búnir að jafna sig á atburðunum og töpuðu óvænt fyrir Aves, sem hefur aðeins verið þrjú ár í efstu deild landsins frá 1930.

Alexandre Guedes skoraði fyrsta mark leiksins á 16. mínútu. Hann skoraði aftur fimmtán mínútum fyrir leikslok og titillinn í sjónmáli.

Fredy Montero tókst að minnka muninn en lengra komust leikmenn Sporting ekki og Aves sigrar bikarinn í fyrsta skiptið.