Þróttur R. tapaði á heimavelli gegn HK í Inkasso-deildinni fyrr í kvöld. Gunnlaugur Jónsson, þjálfari Þróttar, var ekki sáttur með frammistöðuna.
Þróttur átti góðan fyrri hálfleik og var óverðskuldað undir, en gestirnir frá Kópavogi voru betri í þeim síðari.
Þróttur átti góðan fyrri hálfleik og var óverðskuldað undir, en gestirnir frá Kópavogi voru betri í þeim síðari.
„Mér fannst seinni hálfleikurinn fara með leikinn. Við byrjum hann hreinlega ekki, þeir ganga á lagið og komast í 2-0," sagði Gulli að leikslokum.
„Það var jafnvægi í leiknum í fyrri hálfleik. Við vorum að skapa okkur ágætis stöður og áttum dauðafæri í lok fyrri hálfleiks. Við náðum einhvern veginn aldrei takti í byrjun seinni hálfleiks, þeir ganga á lagið og eru bara sterkari á öllum vígstöðum.
„Ég varð fyrir vonbrigðum með síðari hálfleikinn. Við erum að gefa of ódýr mörk gegn þetta sterku liði.
„Það var lítið að virka í sóknarleiknum í síðari hálfleik og við þurfum að finna einhverjar lausnir á því. Við þurfum að skoða andleysið í síðari hálfleik."
Athugasemdir