Manchester United hefur spurst fyrir um varnarmanninn Toby Alderweireld hjá Tottenham og miðjumanninn Fred hjá Shakhtar Donetsk. BBC segir frá þessu í dag.
Talið er að leikmennirnir kosti Manchester United samtals 100 milljónir punda.
United vill ganga frá kaupunum á Fred áður en hann fer á HM með brasiliska landsliðinu.
Tottenham er til í að selja Alderweireld þar sem hann er með klásúlu um að mega fara á 25 milljónir punda eftir ár.
Matteo Darmian, Daley Blind og Luke Shaw gætu hins vegar allir verið á förum frá United. Juventus vill fá Darmian í sínar raðir.
Athugasemdir