Brasilíski landsliðsmaðurinn Fred gæti verið á leið til Manchester United en hann segist hafa heyrt að félagið hafi lagt fram tilboð í sig.
Fred er á mála hjá Shakhtar Donetsk en United er að vinna í því að fá hann í sínar raðir. Manchester City sýndi Fred áhuga en nú er líklegra að hann endi hjá United.
Fred er á mála hjá Shakhtar Donetsk en United er að vinna í því að fá hann í sínar raðir. Manchester City sýndi Fred áhuga en nú er líklegra að hann endi hjá United.
„Viðræður við City voru í gangi í janúar. Fljótlega eftir það ræddu bæði City og United við Shakhtar og umboðsmenn mína," sagði Fred á fréttamannafundi í dag.
„Núna, ef ég er ekki að misskilja, þá hafa komið fréttir af mjög öflugu tilboði frá United."
Fred er 25 ára gamall sóknarsinnaður miðjumaður en hann hefur verið hjá Shakhtar síðan árið 2013.
Athugasemdir