Inter er að kaupa argentínska sóknarmanninn Lautaro Martinez og lenti hann á Ítalíu í gær til að gangast undir læknisskoðun.
Inter greiðir 25 milljónir evra fyrir Lautaro sem stór hluti argentínsku þjóðarinnar vildi sjá fara á HM í Rússlandi í stað Paulo Dybala.
Inter greiðir 25 milljónir evra fyrir Lautaro sem stór hluti argentínsku þjóðarinnar vildi sjá fara á HM í Rússlandi í stað Paulo Dybala.
Lautaro snæddi kvöldverð með Javier Zanetti í gær, en Zanetti er samlandi Lautaro, goðsögn í knattspyrnuheiminum og varaforseti Inter.
Ítalskir fjölmiðlar greina frá því að söluákvæði í samningi Lautaro muni hljóða upp á 111 milljónir evra, sem er einni milljón meira en söluákvæði Mauro Icardi. Icardi fer heldur ekki með til Rússlands þrátt fyrir að hafa skorað 29 mörk í ítölsku deildinni.
Lautaro kemur frá Racing Club sem endaði í sjöunda sæti argentínsku deildarinnar.
Athugasemdir
