Ancelotti er tekinn við Napoli.
Demetrio Albertini, fyrrum landsliðsmaður Ítalíu, segir að ráðning Carlo Ancelotti til Napoli sé eins og ef lið fengju til sín annaðhvort Lionel Messi og Cristiano Ronaldo.
„Hann mun koma inn með jafnvægi sem er þarft í borg sem fer oft fram úr sér. Napoli tapaði titlinum því það vantaði jafnvægi."
„Napoli voru aldrei ólíklegri en Juventus en þeir töpuðu stigum í baráttunni sem reynast mikilvæg þegar uppi er staðið."
Ancelotti hefur stjórnað liðum eins og AC Milan, Real Madrid, Chelsea, Bayern Munich og Paris Saint-Germain og hefur unnið ensku, þýsku, frönsku og ítölsku deildina auk þess að eiga þrjá Meistaradeildartitla auk annarra titla.
Athugasemdir
