Keflvíkingar hafa orðið fyrir blóðtöku að undanförnu en bæði Jeppe Hansen og Sigurbergur Elísson verða frá keppni á næstunni vegna meiðsla.
Sigurbergur meiddist á hné gegn ÍBV í dag eftir samstuð við Halldór Pál Geirsson markvörð Eyjamanna.
Sigurbergur meiddist á hné gegn ÍBV í dag eftir samstuð við Halldór Pál Geirsson markvörð Eyjamanna.
„Þetta er hnéð á honum og það lítur ekki sérstaklega vel út, því miður. Hann er kominn á hækjur. Við fáum að vita meira um það á morgun," sagði Guðlaugur Baldursson, þjálfari Keflavíkur.
Danski framherjinn Jeppe Hansen var ekki með í dag en hann er einnig meiddur. „Hann tognaði í leiknum á móti KA og verður eitthvað frá," sagði Guðlaugur eftir leik.
Bæði Sigurbergur og Jeppe eru lykilmenn í liði Keflavikur og meiðsli þeirra því slæmar fréttir fyrir liðið. Keflvíkingar eru á botni Pepsi-deildarinnar með tvö stig eftir 3-1 tap gegn ÍBV í dag en næsti leikur liðsins er gegn FH eftir rúma viku.
Athugasemdir