Nú þegar aðeins einn dagur er í að heimsmeistaramótið í knattspyrnu hefjist er spennan í algleymingi hjá fleirum en okkur Íslendingum.
Ný uppfærsla í tölvuleiknum Fortnite hefur lekið út og mun meðal annars innihalda svokölluð 'skins' þar sem spilari getur valið landsliðsbúninga fyrir hetjuna sína.
Hægt verður klæða karakterinn í landsliðsbúning þeirra liða sem keppa á Heimsmeistaramótinu auk þess sem stór fótboltavöllur mun birtast fyrir utan Pleasant Park.
Fortnite er fjölspilunarleikur sem kom inn á tölvuleikjamarkaðinn með látum í júlí árið 2017 og varð gríðarlega stór á örfáum mánuðum. Leikurinn er ókeypis en býður upp á þá möguleika að kaupa ýmsa aukahluti fyrir karakterinn sem er spilaður.
Til gamans má geta að Harry Kane og Dele Alli, landsliðsmenn Englands hafa spilað leikinn reglulega í vetur og þá hafa strákarnir okkar viðurkennt að stytta sér stundir í Rússlandi með því að spila leikinn. Það verður því gaman að fylgjast með hvort að strákarnir hendi sér í búninginn utan vallar.
Athugasemdir