Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 14. júní 2018 21:08
Guðmundur Aðalsteinn Ásgeirsson
Pepsi-deildin: Stórsigrar hjá FH og KR - Grindavík lagði Fjölni
KR-ingar léku á als oddi í Keflavík.
KR-ingar léku á als oddi í Keflavík.
Mynd: Fótbolti.net - Hafliði Breiðfjörð
Mynd: Fótbolti.net - J.L.
Sam Hewson tryggði Grindvíkingum sigur.
Sam Hewson tryggði Grindvíkingum sigur.
Mynd: Fótbolti.net - Bára Dröfn Kristinsdóttir
FH og KR blésu til sóknar í leikjum sínum í Pepsi-deild karla í kvöld.

KR mætti til Keflavíkur og fékk þar draumabyrjun. Vesturbæingar voru komnir í 3-0 fyrir leikhlé og í seinni hálfleik bætti Pálmi Rafn Pálmason við fjórða markinu.

Öruggur sigur KR staðreynd og er liðið með 13 stig í sjötta sæti. Keflavík er eina lið deildarinnar sem hefur ekki enn unnið fótboltaleik í deild og er á botninum.

Sigur FH á Víkingi R. var ekki síður öruggari en sigur KR í Keflavík. Steven Lennon kom FH yfir á 15. mínútu með marki úr vítaspyrnu áður en hinn efnilegi Jónatan Ingi Jónsson stal senunni og bætti við tveimur mörkum.


Seinna mark Jónatans var einstaklega glæsilegt. Þessi efnilegi strákur hefur staðið sig vel í sumar.

FH er í fimmta sæti með 16 stig, en Víkingur er í áttunda sæti og hefur safnað níu stigum.

Grindavík fyrir ofan FH og KR
Fyrir ofan FH og KR er Grindavík. Grindvíkingar komust upp í þriðja sæti deildarinnar með því að leggja Fjölni að velli í Grafarvoginum.

Það er þrautsegja í Grindvíkingum og þeir skoruðu sigurmarkið í Grafarvogi á 84. mínútu. Sam Hewson gerði það. „Vááá Sam Hewson með GEGGJAÐ mark hérna! Grindavík fær hornspyrnu sem varnarmenn Fjölnis skalla frá en boltinn fer beint út á Sam Hewson sem tekur hann í fyrsta fyrir utan teig og snuddar boltann í hornið. Þórður á ekki séns! 1-0 Grindavík," skrifaði Orri Rafn Sigurðarson í beinni textalýsingu.

Grindavík er líkt og áður segir í þriðja sæti með 17 stig, eins og Breiðablik. Fjölnir er með níu stig í neðri hlutanum. Deildin virðist vera að skiptast í tvennt.

Fjölnir 0 - 1 Grindavík
0-1 Sam Hewson ('84 )

Keflavík 0 - 4 KR
0-1 Björgvin Stefánsson ('2 )
0-2 André Bjerregaard ('5 )
0-3 Pablo Punyed ('36 )
0-4 Pálmi Rafn Pálmason ('73 )
Lestu nánar um leikinn

FH 3 - 0 Víkingur R.
1-0 Steven Lennon ('15 , víti)
2-0 Jónatan Ingi Jónsson ('23 )
3-0 Jónatan Ingi Jónsson ('70 )
Lestu nánar um leikinn
Athugasemdir
banner
banner
banner