„Það er svosem ekki annað að segja en við buðum FH upp á að spila sinn besta leik og þar var varnarleikur okkar ekki nógu góður. Við byrjuðum leikinn vel og erum að pressa þá og gefum þeim lítinn tíma og þá gekk þetta vel" sagði Logi Ólafsson þjálfari Víkinga eftir 3 - 0 tap fyrir FH í kvöld.
Lestu um leikinn: FH 3 - 0 Víkingur R.
„Síðan fá þeir dæmda vítaspyrnu sem mér finnst afar vafasöm og meira að segja sá sem fékk vítið fyrir FH bjóst ekki við því að fá víti út á þetta og mér fannst það mjög harður dómur. Það að lenda undir á móti FH er ekki gott og en ekki þarf fyrir að þá fáum við á okkur tvö mörk þar til viðbótar sem við eigum ekki að fá á okkur og FH skapaði fullt af færum og þeir voru bara betri heldur en við í dag. Við töpuðum fyrir góðu FH liði.
Framhaldið horfir þannig við mér að við verðum að hittast á morgun og hreinsa þetta í burtu. Við eigum ekki leik fyrr en 1. júlí þannig að okkur gefst góður tími til að undirbúa okkur undir það og koma sterkir til baka og sýna okkar rétta andlit"
Teluru þig þurfa að styrkja liðið þegar glugginn opnar í Júlí?
„Við þurfum að hafa okkar menn heila. Við fáum Kára Árnason eftir Rússlandsævintýrið og hann styrkir okkur væntanlega mikið þannig að það er ekkert annað í kortunum"
Þú minnist á Rússland. Ætlar þú til Rússlands að horfa á einhverja leiki?
„Nei finnst þér ég hafa efni á því. Ég held að okkur veiti ekki af tímanum bara í að æfa heldur en að vera að þvælast einhverstaðar í útlöndum" sagði Logi léttur við þessari spurningu blaðamanns.
Nánar er rætt við Loga í sjónvarpinu hér að ofan.
Athugasemdir
