„Við spiluðum að mér fannst prýðilega vel í kvöld og tókum völdin á vellinum sérstaklega eftir 1 - 0 markið og mér fannst sigurinn ekki vera í hættu og hefðum kannski getað bætt fleirum við. En það er þetta hefðum getað, það hjálpar ekkert." sagði sigurreifur þjálfari FH, Ólafur Kristjánsson eftir 3 - 0 sigur á Víkingum.
Lestu um leikinn: FH 3 - 0 Víkingur R.
„Hefði og hefði. Það er bara þannig að þú getur ekki notað það. Tilfinningin var sú allavegana að nú færi kannski að skilja aðeins á milli í deildinni. Við eigum leik við lið sem er þarna uppi með okkur í næstu umferð og það var afar mikilvægt að vinna þennan leik og vera með í þessum pakka.
Nú hef ég ekki séð fyrirsagnirnar en ég geri ráð fyrir að þú sért að segja að væntanlega verði það þannig. Jónatan spilaði feikilega góðan leik. Við vissum að Víkingar myndu gera út á líkamlegan styrk sem er þeirra styrkur og þá vildum við koma með léttari leik og þá fannst mér Jónatan svara því mjög vel til dæmis eins og aðrir sem voru inni á vellinum.
En það er frábært. Hann er búinn að vera virkilega góður á æfingum og vera að sýna okkur það í gegnum alla vikuna að það eru miklir hæfileikar þarna og gaman að sjá það þegar leikmenn færa það svo inn í leikinn þegar við spilum"
Nánar er rætt við Óla í sjónvarpinu hér að ofan.
Athugasemdir