Keflavík steinlá á heimavelli gegn KR í kvöld þar sem KR skoraði tvö mörk á fyrstu fimm mínútum leiksins. Svo fór á endanum að leiknum lyktaði með stórsigri KR 0-4
Lestu um leikinn: Keflavík 0 - 4 KR
„Það er mjög erfitt sérstaklega á móti góðu liði eins og KR við gáfum þeim þessa forgjöf fyrstu 4-5 mínúturnar og eftir það var á brattann að sækja,“ sagði Guðlaugur Baldurson, þjálfari Keflvíkinga um það að erfitt væri að vinna fótboltaleiki með því að gefa tvö mörk í forgjöf.
Keflavík er í slæmum málum á botni deildarinnar og hefur aðeins náð í þrjú stig úr fyrstu níu leikjum sínum en Laugi vonast ennþá eftir fyrsta sigrinum.
„Að sjálfsögðu. Við ætluðum okkur að taka hann í dag en mér fannst við vera langt frá því og við byrjum leikinn alveg hroðalega illa og það er mér að kenna.“
Eins og alþjóð veit er Ísland að hefja leik á HM á laugardag gegn Argentínu og lék fréttaritara forvitni á að vita hvernig Laugi metur möguleika Íslands.
„Ef að þeir koma inná með samstöðu og vilja og skipulag sem þeir hafa haft að leiðarljósi eigum við ekki að segja jafntefli 1-1.“
Athugasemdir