Heimild: MBL
Hjörtur Hermannsson hefur framlengt við Bröndby til 2021. Troels Bech, íþróttastjóri Bröndby, staðfesti það í samtali við Morgunblaðið.
Hjörtur er 23 ára gamall og á sjö A-landsleiki að baki en er ekki í hópnum sem fór til Rússlands. Hann hefur verið mikilvægur hlekkur í sterku liði Bröndby sem endaði í öðru sæti dönsku deildarinnar og vann bikarinn.
„Hjörtur er frábær leikmaður sem hefur bætt sig mikið síðan hann kom til Brøndby. Í dag er hann lykilmaður í okkar liði sem hefur að bera gríðarlega mikla samkeppni um stöður og þrátt fyrir það spilar hann flesta leiki," sagði Bech.
Hjörtur er uppalinn í Árbænum en fór ungur til PSV Eindhoven í Hollandi. Hann var í íslenska hópnum á Evrópumótinu fyrir tveimur árum en Hólmar Örn Eyjólfsson tók sæti hans í hópnum fyrir Heimsmeistaramótið.
Athugasemdir