Stórt skarð að fylla.
Sóknarmaðurinn, Alfreð Finnbogason var spurður að því á fréttamannafundi Íslands í morgun hversu mikill missir það væri ef Jóhann Berg Guðmundsson myndi ekki ná leiknum gegn Nígeríu á föstudaginn.
Jóhann Berg fór meiddur af velli í leiknum gegn Argentínu og allt bendir til þess að hann verði ekki leikfær á föstudaginn í Volgograd.
Jóhann Berg fór meiddur af velli í leiknum gegn Argentínu og allt bendir til þess að hann verði ekki leikfær á föstudaginn í Volgograd.
„Það er ekki spurning, það er mikill skellur þegar við missum leikmann sem hefur verið fastamaður í liðinu í nokkur ár. Ég held að allir viti hvað Jói getur, hann átti frábært tímabil í ensku úrvalsdeildinni og er að skila óeigingjörnu starfi í landsliðinu, bæði sem wing-back og stundum sem kantmaður," sagði Alfreð og hélt áfram.
„En eins og alltaf í fótboltanum þá kemur maður í manns stað og nýir menn fá tækifæri. Það er vonandi að sá sem kemur inn, verði tilbúinn og stígi vel í hans fótsspor. Ég hef fulla trú á því, við höfum sýnt það síðustu ár að við höfum breikkað hópinn okkar af góðum leikmönnum og ég trúi því að við getum leyst það."
Alfreð í leiknum gegn Argentínu.
Athugasemdir
