„Auðvitað erum við gríðarlega svekktir," sagði Gylfi Þór Sigurðsson, leikmaður íslenska landsliðsins, eftir tap gegn Nígeríu á HM í dag.
Fyrri hálfleikurinn var fínn og var staðan markalaus að honum loknum en í seinni hálfleik gegn Nígería á lagið og niðurstaðan var 2-0 sigur þeirra grænklæddu.
Fyrri hálfleikurinn var fínn og var staðan markalaus að honum loknum en í seinni hálfleik gegn Nígería á lagið og niðurstaðan var 2-0 sigur þeirra grænklæddu.
„Við vorum mjög fínir í fyrri hálfleik en svo algjörlega ólíkir sjálfum okkur í seinni hálfleik."
„Við vorum óþolinmóðir í seinni hálfleik, við vorum að reyna of mikið að vinna leikinn í stað þess að bíða rólegir og vera þéttir til baka. Ég veit ekki hversu margar skyndisóknir þeir áttu í seinni hálfleik," segir Gylfi um seinni hálfleikinn.
„Við vissum að þeir höfðu engu að tapa og myndu selja sig dýrt í seinni hálfleiknum, við töluðum um það. Þeir byrjuðu strax af krafti og spiluðu sig alltof auðveldlega í gegnum okkur."
„Því miður fór boltinn yfir"
Gylfi fékk dauðafæri til þess að minnka muninn á 83. mínútu úr vítaspyrnu en honum brást bogalistinn, hann skaut yfir.
„Þetta var sama rútína og ég hef alltaf gert. Því miður fór boltinn yfir," sagði Gylfi um vítaspyrnuna og benti á það að einn leikur er eftir í riðlinum, gegn Króatíu á þriðjudaginn. Það er leikur sem Ísland þarf að vinna. Ekkert annað kemur til greina.
Athugasemdir