Aron Einar ásamt leikmönnum Rostov þeim, Sverri Inga og Ragnari Sigurðssyni.
Ísland mætir Króatíu í Rostov við Don á morgun í lokaleik D-riðils á Heimsmeistaramótinu.
Í Rostov leika þrír landsliðsmenn Íslands þeir, Ragnar Sigurðsson, Sverrir Ingi Ingason og Björn Bergmann Sigurðarson. Aron Einar Gunnarsson fyrirliði landsliðsins var spurður að því hvort hann vonist eftir stuðningi Rússa úr stúkunni á morgun og hvort það myndi hafa áhrif á liðið
Í Rostov leika þrír landsliðsmenn Íslands þeir, Ragnar Sigurðsson, Sverrir Ingi Ingason og Björn Bergmann Sigurðarson. Aron Einar Gunnarsson fyrirliði landsliðsins var spurður að því hvort hann vonist eftir stuðningi Rússa úr stúkunni á morgun og hvort það myndi hafa áhrif á liðið
„Ég vona að við fáum stuðning og það skiptir okkur örugglega miklu máli. Við fáum alltaf mjög góðan stuðning á Laugardalsvellinum, okkar heimavelli og það gefur gæfumuninn þar og vonandi verða Rússarnir á okkar bandi. Vonandi verður þetta góður leikur að okkar hálfu og við getum sýnt þeim góðan leik," sagði Aron Einar.
Þrír aðrir leikir á Heimsmeistaramótinu hafa farið fram á Rostov leikvanginum og þar hafa Rússarnir stutt Brasilíu, Úrúgvæ og Mexíkó í þeim leikjum. Ekkert af þessum liðum hefur tapað leik í Rostov við Don.
Leikur Íslands og Króatíu hefst klukkan 18:00 á morgun, þriðjudag.
Athugasemdir
