Umferðin hófst á fimmtudaginn með þremur leikjum. Þórsarar halda sigurgöngu sinni áfram í deildinni og unnu lánlausa Haukamenn 4-1 á heimavelli. Ignacio Gil og Bjarki Þór Viðarsson voru bestu menn Þórs í leiknum.

Á Selfossi komu Framarar í heimsókn og fóru þeir heim með stigin þrjú eftir 3-1 sigur. Helgi Guðjónsson var öflugur á miðjunni fyrir gestina og kom þeim í 1-0. Liðsfélagi hans, Fred Saraiva er einnig í liði umferðarinnar í holunni.

Í Efra-Breiðholtinu náðu Leiknismenn í gott markalaust jafntefli gegn ÍA. Heimamenn geta þakkað Eyjólfi Tómassyni markverði liðsins fyrir að halda hreinu og þá var Bjarki Aðalsteinsson með allt á hreinu í vörninni.

Á föstudagskvöldið unnu Þróttarar sinn annan sigur í röð og þá gegn Njarðvík, 3-0. Lánsmaðurinn, Kristófer Konráðsson skoraði eitt og lagði upp annað og þá var Jesper Van Der Heyden hættulegur í liði Þróttara.

Á laugardaginn fóru HK-ingar á Grenivík og unnu þar baráttusigur 1-0 gegn Magna. Sveinn Óli Birgisson var góður í vörn Magna og er í liði umferðarinnar, ásamt Ásgeiri Marteinssyni leikmanni HK.

Fyrri lið umferðar
Lið 11. umferðar
Lið 10. umferðar
Lið 9. umferðar
Lið 8. umferðar
Lið 7. umferðar
Lið 6. umferðar
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar