„Ég er þokkalega sáttur bara, það er alltaf gaman að halda núllinu," sagði Eyjólfur sem varði tvígang mjög vel og geta Leiknismenn þakkað honum fyrir stigið sem liðið fékk í þeirri botnbaráttu sem liðið er í, í deildinni.

Eyjólfur segist hinsvegar ekkert vera að spá of mikið niður fyrir sig í deildinni. Næst leikur liðsins er gegn Njarðvík sem eru í fallsæti og aðeins fjórum stigum á eftir Leikni.

„Við horfum upp töfluna. Stigasöfnun Leiknis er hvergi nærri lokið. Við erum að undirbúa okkur fyrir Njarðvíkur leikinn og stefnum á þrjú stig, eins og alla aðra leiki."

Þjálfarabreytingar hafa orðið hjá Leikni í sumar en Eyjólfur segist sjá jákvæð blik á lofti.

„Veturinn var að mörgu leyti erfiður og byrjunin á tímabilinu erfið. En við höfum stigið upp undanfarið og bætt okkar leik mikið. Ég upplifi liðið þannig að við séum í góðum rythma, rútíneraðir og eigum ennþá helling inni," sagði Eyjólfur Tómasson markvörður Leiknis að lokum.

Fyrri leikmenn umferðarinnar
11. umferð - Viktor Jónsson (Þróttur R.)
10. umferð - Arnór Snær Guðmundsson (ÍA)
9. umferð - Emir Dokara (Víkingur Ó.)
8. umferð - Viktor Jónsson (Þróttur R.)
7. umferð - Tiago Fernandes (Fram)
6. umferð - Sólon Breki Leifsson (Leiknir R.)
5. umferð - Guðmundur Axel Hilmarsson (Selfoss)
4. umferð - Alvaro Montejo Calleja (Þór)
3. umferð - Steinar Þorsteinsson (ÍA)
2. umferð - Guðmundur Magnússon (Fram)
1. umferð - Ingiberg Ólafur Jónsson (HK)