Þrátt fyrir að vera eini framherji Liverpool sem hefur skorað á árinu var Florent Sinama Pongolle lánaður frá félaginu til Blackburn nú í janúar. Hann vann sér þó ekki inn mörg stig hjá Púllurum þegar hann ræddi við fréttamann á dögunum um stuðnignsmenn Everton.
,,Ég hef verið í þessu landi í þrjú ár svo ég þekki metinginn milli Everton og Liverpool, en hvert sem ég fer í Liverpool eru fótboltaáhugamennirnir sem ég hitti allir stuðningsmenn Everton," sagði Pongolle.
,,Stærri hlutinn af fólki í Liverpool styður Everton. Liverpool á stuðningsmenn í Evrópu og allsstaðar annarsstaðar, það er þess vegna sem Anfield er alltaf fullur. En þegar þú ferð á Goodison, þá er hann bara fullur af fólki frá Liverpool. Það eru allt Scousers."
