Allt á floti á Fratton Park fyrir nokkrum mínútum.
Leik Portsmouth gegn Arsenal í ensku úrvalsdeildinni sem átti að hefjast klukkan 17:00 var frestað í dag vegna þess að völlurinn þótti alltof blautur þegar hann var skoðaður klukkan 16:15 en miklar rigningar hafa verið á suðurströnd Englands.
Mike Riley dómari leiksins tók því ákvörðun um að leikurinn færi ekki fram í dag en þetta var ekki eini leikurinn í dag sem var frestaður þó hinir hafi verið í utandeildinni, hjá Torquay og Dorchester.
Þar sem Tottenham spilar ekki í dag hefði Arsenal getað komist í fjórða sæti deildarinnar með sigri í dag en nú er ljóst að leikurinn fer ekki fram.
Athugasemdir
