Veigar Páll skoraði glæsilegt mark.
Veigar Páll Gunnarsson leikmaður Stabæk í Noregi skoraði glæsilegt mark beint úr aukaspyrnu af 25 metra færi í norsku deildinni í dag er liðið gerði 1-1 jafntefli við Odd Grenland. Marki Veigars er í norskum fjölmiðlum líkt við aukaspyrnur David Beckham leikmanns Real Madrid því han skrúfaði boltann yfir varnarvegginn og í markið.
,,Ég hef æft mikið aukaspyrnur að undanförnu, og ég var á listanum hjá Petter Belsvik yfir þá sem eiga að taka aukaspyrnur. Af þeirri ástæðu tók ég aukaspyrnuna sjálfur," sagði Veigar Páll við Dagbladet.no.
,,Ég spilaði á vinstri kantinum sem er ný staða fyrir mig, en ég er ánægður. 1-1 eru úrslit sem pössuðu leiknum. Hvorugt liðið átti skilið að vinna."
Hér að neðan má sjá úrslit og markaskorara í norska boltanum í dag.
Lillestrøm 3-1 Viking
0-1 Toni Nhleko (18)
1-1 Robert Koren, straffe (30)
2-1 Frode Kippe (44)
3-1 Arild Sundgot
Birkir Bjarnason var ekki í leikmannahópi Viking í dag.
Molde 0-1 Lyn
0-1 Espen Hoff (58).
Stefán Gíslason spilaði fyrri hálfleikinn fyrir Lyn.
Sandefjord 1-0 Tromsø
1-0 Tegström (20).
Stabæk 1-1 Odd Grenland
1-0 Veigar Pall Gunnarsson (7)
1-1 Espen Ruud (10).
Veiger Páll Gunnarsson spilaði allan leikinn fyrir Stabæk.
Ham Kam 3-1 Fredrikstad
1-0 Juha Pasoja, (10)
1-1 John Anders Bjørkøy (23)
2-1 Marius Gullerud (29)
3-1 Pasoja (54)
Vålerenga 0-0 Rosenborg
Árni Gautur Arason lék allan leikinn í marki Vålerenga.
Athugasemdir
