HK/Víkingur tapaði fyrir GRV 6-2
Einn leikur fór fram í Faxaflóamóti kvenna í gær. Sameinað til Grindavíkur, Reynis og Sandgerðis sigraði HK/Víking nokkuð örugglega 6-2.
Yfirburðir GRV voru miklir og hefði sigurinn hæglega geta orðið stærri. Þórkatla Albertsdóttir gerði sér lítið fyrir og skorað 5 mörk fyrir lið GRV og Dagmar Þráinsdóttir eitt. Mörk HK/Víkings gerði hin 16. ára gamla Vigdís Bjarnadóttir.
Mikil törn hefur verið á HK/Víkings stúlkum þar sem þær taka bæði þátt í Faxaflóamótinu og Reykjavíkurmótinu. Þær tefldu því fram ungu liði sem átti á brattan að sækja allan leikinn gegni sterku liði GRV.
