Árborgarar etja kappi við heimamenn á mýrarboltamóti á Ísafirði í fyrra.
Knattspyrnufélag Árborgar stendur fyrir mýrarboltamóti á Selfossi nk. laugardag. Mýrarbolti er leikinn í sex manna liðum á 60x35 metra velli og er leiktíminn 2x12 mínútur.
Eins og nafnið gefur til kynna vilja tilþrif í mýrarbolta oftar minna á leðjuslag frekar en knattspyrnu. Íþróttin er upprunnin í Finnlandi en síðustu ár hefur verið haldið mýrarboltamót á Ísafirði. Þetta er í fyrsta sinn sem mót sem þetta er haldið sunnan heiða.
Glæsileg verðlaun verða á mótinu en bæði er keppt í karla- og kvennaflokki. Bestu búningarnir verða verðlaunaðir og drullugasti leikmaðurinn fær sérstaka viðurkenningu.
Skráning og upplýsingar eru hjá Má í síma 868-3474 og Margeiri í síma 861-1778.
Athugasemdir
