Heimild: Reuters 

---

* Francesco Totti, fyrirliði Roma, virðist vera að tapa baráttunni að vera klár fyrir leik liðsins gegn AC Milan á sunnudaginn, samkvæmt ítölskum fjölmiðlum.

Sóknarmaðurinn meiddist í sigurleik liðsins gegn Sporting Lisbon á þriðjudaginn. Mirko Vucinic kom inná í hans stað á 35. mínútu og skoraði sigurmarkið á 35 mínútum síðar.

* Carlo Ancelotti, stjóri AC Milan, hefur sagt að eina ítalska félagið fyrir utan Milan væri Roma.

,,Roma er eina liðið sem kæmi til greina í framtíðinni. Það, erlendir eða ítalska landsliðið.”

Milan verða án vinstri bakvarðarins Marek Jankulovski eftir að hann undirgekkst aðgerð í hné og þá er ennþá einhver tími í að Ronaldo verði til í slaginn á ný.

* Juventus verða án miðjumannsins Pavel Nedved, sem er í banni, þegar þeir sækja Napoli heim á morgun.

Nedved er ekki sá eini sem tekur út leikbann en Claudio Ranieri, stjóri Juve, verður ekki á hliðarlínunni eftir að hafa verið rekinn upp í stúku í sigurleiknum á Genoa.

* Marcelo Zalaeyta, sóknarmaður Napoli, hefur sagt að hann ætlar að sína sínu fyrrum félagi virðingu ef hann skorar um helgina.

,,Ég var hjá Juve í átta ár. Ef ég skora þá mun ég ekki fagna.”

* Inter Milan, sem eru ósigraðir í deildinni, verða án Patrick Vieira og Marco Materazzi í útileiknum gegn Palermo á sunnudaginn. Hjá heimamönnum verður hins vegar Fabrizio Miccoli kominn aftur í liðið eftir meiðsli.

* Christian Vieri vonast til að byrja leik Fiorentina, eina ítalska liðið sem er ósigrað í öllum keppnum, gegn Genoa á sunnudaginn eftir að hafa skorað í 1-1 jafntefli gegn Villarreal í gær.

,,Vel gert hjá Vieri. Ekki aðeins fyrir að skora heldur einnig hvernig hann spilaði fyrir liðið,” sagði stjórinn Cesare Prandelli.

Það er hins vegar talið líklegast að Prandelli haldi sig við Adrian Mutu og Giampaolo Pazzini í framlínunni.

* Lazio verður án Fabio Firmani og Luciano Zauri þegar þeir taka á móti Udinese á sunnudaginn. Þeir taka báðir út leikbann.