Heimild: Channel 4
Myndirnar sýna lögreglumenn sem börðust við stuðningsmenn á leik Atalanta og AC Milan í gærkvöld.
Lögreglan á Ítalíu sendi í gærkvöld frá sér yfirlýsingu þar sem fram kom að Gabriel Sandri stuðningsmaður Lazio hafi verið skotinn fyrir slysni en eins og við greindum frá í gær lést Sandri eftir að lögreglumaður skaut hann. Stuðningsmenn Lazio höfðu verið að deila við stuðningsmenn Juventus á veitingastað við hraðbrautina og lögreglan var kölluð til.
Sandri sem var 28 ára gamall sat í baksæti bifreiðar þegar byssukúlan fór aftan í hnakkann á honum og hann lést í kjölfarið. Vegna mikillar umræðu um hvernig slysið átti sér stað sendi lögreglan frá sér yfirlýsingu.
,,Um 9:10 voru tvær lögreglubifreiðar frá Battifole umdæminu kallaðar til vegna óláta og öskra sem komu frá bílastæði á þjónustustöð við hraðbrautina," sagði í yfirlýsingu lögreglunnar.
,,Í ljós kom að slagsmál voru milli farþega allavega þriggja bíla og lögregluþjónarnir gripu inní með því að kveikja á sírenum er þeir voru að koma á vettvang. Einn lögreglumaður skaut svo tveimur skotum til að fá þá sem slógust til að láta staðar numið."
,,Skotunum var hleypt af svo slagsmálin sem brutust út milli hópa manna, sem ekki höfðu verið greindir sem fótbolta stuðningsmenn, myndu ekki þróast út í eitthvað alvarlegra."
,,Skömmu síðar hélt einn bíllinn með fimm innanborðs áfram ferð sinni í tollskýlið í Arezzo þar sem þeir báðu um aðstoð sjúkraliða. Læknar sem komu á staðinn reyndu að bjarga lífi mannsins en það var ekkert sem þeir gátu gert."
Búið er að loka af bílastæðunum og sérfræðingar voru í allan gærdag að vinna í að komast að því hvernig kúlan gat farið í Sandri. Lögmaður hans og bróðir hafa ásakað lögreglumanninn sem skaut um að hafa myrt hann. Yfirvöld ræddu í gærkvöld við lögreglumanninn sem mun vera þrítugur með margra ára starfsreynslu.
Talið er að lögreglumennirnir tveir hafi farið úr bíl sínum í átt að vettvangi slagsmálanna og skotið þar tveimur skotum. Það fyrra mun hafa átt að fara út í loftið til að vara menn við en síðara skotið hafi verið slysaskot sem hann hleypti óvart af byssu sinni þegar hann lækkaði hana niður. Það skot hafi farið aftan á hnakka Sandri.
Mikill pirringur er meðal fótboltaáhugamanna á Ítalíu og óeirðir hafa veriða ð brjótast út. Bullur frá Roma og Lazio ætla í hefndaraðgerðir gegn lögreglu sem þeir ásaka um morð.
búið er ða kveikja í bílum og rútum og táragas var notað fyrir utan Stadio Olimpico þar sem hópur manna reyndi aðkomast inn í höfuðsstöðvar ítölsku ólympíunefndarinnar, Coni.
Athugasemdir
