Heimild: Setanta Sports
Sonur Roberto Mancini er farinn til City á láni.
Manchester City hefur fengið Filippo Mancini að láni frá Inter út tímabilið en hann er sonur Roberto Mancini þjálfara ítölsku meistaranna.
,,Filippo Mancini mun spila á Englandi með Manchester City," segir í yfirlýsingu á heimasíðu Inter í kvöld.
Hinn 17 ára gamli Filippo var á reynslu hjá Manchester City í síðustu viku og náði að heilla Sven Goran Eriksson.
Filippo hefur fengið fá tækifæri með aðalliði Inter en hann lék þó sinn fyrsta leik í ítalska bikarnum á dögunum.
Hann vonast hins vegar væntanlega eftir því að fá fleiri tækifæri til að láta ljós sitt skína hjá Manchester City.
Athugasemdir
