Að þessu sinni er ferðinni heitið á Fáskrúðsfjörð þar sem við kíkjum á stemninguna hjá Leikni en Viðar Jónsson fyrirliði Leiknis svaraði nokkrum spurningum.

---

Hvernig er stemmningin hjá Leikni Fáksrúðsfirði þessa dagana?
Stemningin er svona þokkaleg og á bara eftir að batna.

Er mikill fótboltaáhugi á Fáskrúðsfirði?
Já það hefur alltaf verið mikill áhugi en alltaf vantað aðeins upp á til að komast upp úr þessari blessaðri 3. deild

Er leikmannahópurinn mikið breyttur frá því í fyrra?
Já misstum þó nokkra leikmenn bæði erlenda og innlenda en höfum ekki bætt við okkur miklu í staðinn. Hópurinn er mjög lítill og setjum við traust okkar á ungu strákana en nóg er ungum efnilegum drengjum hér á stað.

Ertu sáttur við byrjun ykkar í sumar?
Engan veginn. Ætluðum okkur klárlega að vera með fleiri stig en ekkert.

Hver er helsti styrkleiki ykkar?
Það er ákveðinn karakter í liðinu sem skítur upp kollinum við og við.

Hvert er markmið liðsins í sumar?
Markmið liðsins var klárlega að vinna alla þá leiki sem við færum í og gæla við að komast í úrslitakeppnina. Það er enn gilt og gott þó ekki hafi gengið eins og við helst hefðum viljað.

Ykkur er spáð fjórða sæti í D-riðli. Er sú spá raunhæf?
Líklega er hún það en auðvitað ætlum við okkur að vera ofar og helst í efstum tveimur sætunum.

Er einhver leikmaður úr ykkar liði sem þú telur að eigi eftir að springa út í sumar?
Það er erfitt að segja en ég held að ungu strákarnir eigi eftir að koma sterkir inn.

Hvaða lið telur þú að sé sigurstranglegast í 3. deildinni í sumar?
Ég er ekki alveg að gera mér grein fyrir því en því er ekki að leyna að miðað við mannskap þá ættu Dalvík/Reynir að vera kandídatar.

Eitthvað að lokum?
Langar endilega að koma því að að Svanur, Baldur, Hilmar og Björgvin eru allir gullfallegir en samt lausir og liðugir.

---

Eldra úr liðnum hvað er að frétta?

1.deild:
KS/Leiftur(3.apríl)
Njarðvík (13.mars)
Selfoss (29.maí)
Stjarnan 10.júní)

2.deild:
Hamar (15.maí)
Höttur (29.apríl)
Hvöt (27.mars)
Reynir Sandgerði (23.maí)
Tindastóll (15.apríl)
Víðir Garði (23.maí)
Völsungur (6.mars)

3.deild:
Árborg (17.apríl)
Berserkir (8.apríl)
KB (13.maí)
KFR (24.apríl)
KFS (22.apríl)
KV (12.júní)
Knattspyrnufélag Garðabæjar (19.mars)
Skallagrímur (20.maí)
Snæfell (5.júní)
Þróttur Vogum (6.maí)