Skjálfandi: Leikdagurinn hófst af fullri alvöru á hádegi en þá fóru Elvar Geir Magnússon forseti KB og Þórður Einarsson, leikmaður, þjálfari og formaður, í heimsókn í íþróttaþáttinn Skjálfanda á X-inu 977.


Yfirlýsingaglaður: Þórður lét gamminn geysa í þættinum og sparaði hvergi yfirlýsingarnar.


Hressir með Henry: Elvar Geir og Þórður ásamt Henry Birgi Gunnarssyni þáttastjórnanda Skjálfanda.


Hollustan ekki alltaf í fyrirrúmi: Leikmenn KB hittust á BK kjúklingi í hádeginu og gæddu sér á dýrindis mat. Margir fengu sér kjúkling eða kjúklingasalat en aðrir krydduðu matinn með því að fá sér franskar og kokteilsósu.


Matartími: Leikmenn tóku vel til matar síns. ,,Við ætlum ekkert að breyta út frá okkur matarvenjum þrátt fyrir þennan leik. Við teljum að það sé ekkert lykillinn að því að leggja KR, þetta er allt í hausnum," sagði Elvar Geir forseti.


Coke með matnum: Leikmennirnir hikuðu ekki við að fá sér nóg af Coke að drekka með matnum.


Þjálfar framtíðarleikmenn hjá Leikni og KB: Þórður hafði ekki tíma til að mæta á BK kjúkling því beint eftir útvarpsviðtalið var hann farinn upp í Breiðholt að þjálfa sjöunda flokk karla hjá Leikni. Um var að ræða lokaæfingu fyrir Kaupþings mótið sem fer fram á Akranesi um helgina.


Hressir strákar: Þórður telur að þjálfunin hjálpi sér fyrir stórleikinn. ,,Þetta er gríðarlega góður undirbúningur fyrir leikinn. Það eru svo góðir knattspyrumenn í sjöunda flokki Leiknis að maður getur alltaf lært af þeim, það hlýtur að vera góður undirbúningur," sagði Þórður.


Greiðsla eins og hjá Baggio: ,,Hulda sem vinnur hérna og er jafnframt landsliðskonar fléttar mig svo ég líti út eins og Roberto Baggio þegar hann klúðraði vítinu á HM í Bandaríkjunum árið 1994.


Sinnir garðyrkjustörfum og slakar á: Einar Njálsson leikmaður KB er verkstjóri hjá hóp í vinnuskólanum í Reykjavík. Hann lætur sig ekki muna um að taka sjálfur til hendinnni. ,,Maður slakar á og nær að róa taugarnar fyrir leikinn. Þetta er þægilegt andrúmsloft, krakkarnir eru fínir og ég myndi segja að þetta sé fínn undirbúngur, ekki of langur vinnudagur."

Njáll Eiðsson þjálfari Hattar er faðir Einars og hann sinnir garðyrkjustörfum einnig að myndarskap. ,,Ef þú myndir labba í næstu götu myndir þú sjá hann beran að ofan að slá í garðinum heima."


Klefi 3: Liðið er mætt í klefa 3 á KR-velli.


Aðeins eitt lið getur tapað! Þórður þjálfari heldur stutta tölu yfir mannskapnum og bendir þeim á að sama hvernig leikurinn fari, þá verði aldrei litið á KB sem tapliðið, aðeins KR gæti farið illa út úr leiknum.


Búningarnir bannaðir! Dómararnir heilsa upp á liðið og fá að sjá búninga KB. Þeir þóttu of líkir búningum KR og því varð KB að leika í búningum Leiknis.


Sjúkraþjálfarinn er leikmaður Leiknis: Guðlaugur Andri sjúkraþjálfari gerir menn klára. Hann er leikmaður móðurfélags KB, Leiknis.


Skýrslan í vinnslu... Þórir Þórisson liðsstjóri tekur til við að rita leikskýrsluna.


Koma svo... berjast. Magnús Einarsson knattspyrnustjóri peppar menn upp.


Hinn kosturinn: Leikmenn klæðast Leiknisbúningunum því KB búningarnir þóttu of líkir KR búningunum.


Hvar er skýrslan? KR-ingar voru orðnir óþolinmóðir eftir að fá að sjá leikskýrsluna, Elvar Geir Magnússon forseti KB róar starfsmann KR niður.


Út að hita: Leikmenn liðanna ganga inn á völl í uppphitun.


Fyrsti leikurinn: Guðlaugur Andri Axelsson var sjúkraþjálfari KB í leiknum, þetta var hans fyrsta verkefni og í fyrsta sinn sem KB hefur haft sjúkraþjálfara.
,,Þetta er engin smá byrjun, það er ekki hægt að fá stærra verkefni held ég. Ég er bara mjög stoltur og ánægður. Leiðin getur bara legið niður á við en vonandi heldur þetta áfram þannig að fólk taki eftir mér og sjái mín verk og hversu vel þau verða unnin," sagði hann.


Bara einn bolti: KB menn áttu bara einn bolta sem þeir mættu með í upphitunina.


Vá, þetta er svaklegt lið: KR-ingar skila leikskýrslu og KB menn þyrpast í hing til að sjá hvaða stjörnum þeir eru að fara að mæta í byrjunarliði.


Velkomnir á KR-völl: Starfsmaður KR heilsaði upp á mannskapinn.


Haldið ró ykkar: Aðstoðardómarinn lætur bekkjarmennina vita hvernig skal haga sér.


Ekki út fyrir hvítu línuna: Magnús knattspyrnustjóri fékk einnig leiðbeiningar.


Fremri bakvörður, hvað er það? Þórður þjálfari gefur Óla Hrannari Kristjánssyni fyrirmæli fyrir leik. Í stað þess að leika með bakverði og kantmenn ákvað hann að brydda upp á því að hafa fremri og aftari bakvörð.


Ekki sofna. Síðasti séns til að slaka á fyrir leik, spennan farin að magnast.


Ég fæ fiðring niður í... Menn kættust við skilaboð sem hanga á blaði í búningsklefanum frá öðru liði.


Alveg að skella á: Spennan er magnþrungin enda menn við það að fara að ganga út úr klefanum.


Vá... allir þessir brúsar: KB hefur aldrei áður haft meira en einn vatnsbrúsa á hliðarlínunni en í þetta sinn var allt til kostað til að hafa umgjörð liðsins hvað glæsilegasta og nóg til af brúsum.


Sinalco treyjan: Hin fræga Sinalco markmannstreyja sem mikið var talað um í fjölmiðlum fyrir leikinn.


Fjórði dómarinn? Sækjast sér um líkir. Gunnar Jarl Jónsson fyrirliði KB er dómari og leið vel innan um kollega sína úr stéttinni.


Allir klárir: Liðin klár til að ganga inn á völlinn.


Gengið til leiks: Og þetta er skollið á, klukkan orðin 19:15 og liðin komin inn á völl.


Gula spjaldið: Fyrsta spjaldið á loft. Leikmenn KB létu finna vel fyrir sér í leiknum og uppskáru nokkur spjöld.


Ái..... Atli Þór Sigurðsson liggur eftir og þarf aðstoð sjúkraþjálfara.


Meiddur: Það þarf líka Guðjón Baldvinsson hjá KR sem þurfti að fara af velli.


Ekki sáttur: Logi Ólafsson gat ekki gengið sáttur til búningsklefa enda KR ekki enn búið að skora.


Hugað að mönnum: Menn þurftu mismikla aðhlynningu í leikhléi en mjög rólegt andrúmsloft var í klefanum og menn hugsuðu mest um að hvíla sig fyrir átökin í síðari hálfleik.


Skjótum beint úr miðjunni! Síðustu skilaboð fyrir síðari hálfleikinn gefin. Þau voru einföld, skjóta beint á mark KR úr upphafsspyrnunni.


Farið að fyrirmælum: Og að sjálfsögðu fóru menn að fyrirmælum þjálfarans og Atli Þór þrumaði á markið.


Við erum KR... Miðjan var mætt til að hvetja sína KR-inga.


Áfram KB: KB átti einnig fjölda stuðningsmanna.


Aðhlynning: Þegar leið á síðari hálfleikinn fóru menn að finna til þreytuverkja.


Gengið af velli vegna meiðsla: Gunnar Örn Jónsson leikmaður KR meiddist eftir eina tæklingu KB manna.


Dræm mæting: Stúkan var ekki þétt setin að þessu sinni.


Dómari!!! Leik lokið með 1-0 sigri KR. Kjartan Örn Þórðarson átti eitthvað vantalað við dómara leiksins sem KB menn töldu hafa tekið af sér vítaspyrnu.


Sáttir: KB-menn gátu að lokum gengið sáttir frá leiknum, 1-0 tap á KR-velli eru ekki slæm úrslit fyrir 3. deildarlið