Elleftu umferðinni í fyrstu deild karla lauk um helgina en hér að neðan má sjá myndir úr leikjunum í umferðinni.
Hafliði Breiðfjörð var með myndavélina í Garðabæ, Eyjafréttir mynduðu toppslaginn í Vestmannaeyjum, Matthías Ægisson var myndasmiður í Breiðholtinu, Alfons Finnsson smellti af myndum í Ólafsvík, Pedromyndir mynduðu leik Þórs og Njarðvíkur á Akureyri og Gunnar Gunnarsson hjá Austurglugganum var bakvið myndavélina þar sem Fjarðabyggð mætti Víking Reykjavík.
Í Garðabæ mættust Haukar og Stjarnan.
Hilmar Geir Eiðsson og Björn Pálsson fara upp í skallabolta.
Denis Curic er hér nýbúinn að skora.
Stjörnumenn fagna einu af fjórum mörkum sínum.
Haukar hrósuðu hins vegar 5-4 sigri að lokum í miklum markaleik.
Í Eyjum mættust ÍBV og Selfoss í toppslag.
Zoran Miljkovic þjálfari Selfyssinga fylgist með gangi mála.
Hjalti Jóhannesson mætti sínum gömlu félögum í ÍBV.
Úr leiknum í Vestmannaeyjum.
Eyjamenn fögnuðu að lokum 3-0 sigri en liðið er með 30 stig eftir fyrri umferðina í fyrstu deildinni.
Á Akureyri mættust Þór og Njarðvík.
Tvö rauð spjöld fóru á loft í þeim leik. Hans Scheving dómari sendi Jóhann Helga Hannesson í sturtu í fyrri hálfleik.
Alexander Magnússon fékk síðan reisupassann í síðari hálfleik.
Ingvar Jónsson markvörður Njarðvíkinga reynir að ná til knattarins.
Þórsarar lönduðu að lokum 3-1 sigri þar sem Ármann Pétur Ævarsson lék frábærlega og skoraði tvívegis.
Leiknismenn tóku á móti KS/Leiftri á föstudagskvöldið.
Rune Koertz og Heiðar Gunnólfsson kljást.
Þór Ólafsson skoraði eina mark leiksins í fyrri hálfleik.
Heiðar Gunnólfsson og Sævar Ólafsson í baráttu um boltann.
Helgi Óttar Hafsteinsson fagnar sigri Leiknis ásamt meðliðum í stuðningsmannaklúbbnum Leifa.
Fjarðabyggð tók á móti Víkingi Reykjavík fyrir Austan.
Sveinbjörn Jónasson skoraði eitt mark í 2-2 jafntefli lðianna.
Víkingar fagna marki en þeir jöfnuðu undir blálok leiksins.
Víkingur Ólafsvík tók á móti KA.
Veðrið var ekki upp á það besta á laugardaginn.
Leikmenn voru duglegir að renna sér í tæklingar á Ólafsvík.
Lokatölur urðu 2-1 fyrir Víkingi en Gísli Freyr Brynjarsson er hér nýbúinn að skora sigurmarkið í viðbótartíma.
Athugasemdir
