Kristján Örn og félagar vilja væntanlega gleyma leiknum í kvöld sem fyrst.
Molde burstaði norsku meistarana í Brann óvænt 8-0 í norska bikarnum í kvöld.
Mame Biram Diouf og Magne Hoset fóru mikinn og skoruðu báðir þrennu fyrir Molde sem leiddi 3-0 í leikhlé.
Kristján Örn Sigurðsson og Ólafur Örn Bjarnason léku allan leikinn í vörn Brann.
Ármann Smári Björnsson og Gylfi Einarsson voru hins vegar báðir á bekknum en komu ekki við sögu.
Birkir Már Sævarsson kom til Brann frá Val á dögunum en hann hefur ekki ennþá fengið leikheimild og var því ekki með í kvöld.
