Heimild: Reuters
Vallarstarfsmaðurinn Sam Bethell á sama degi og leikurinn fór fram.
Patrice Evra varnarmaður Manchester United var í gær dæmdur í fjögurra leikja bann og sektaður um 15 þúsund pund fyrir þátt hans í slagsmálunum á Stamford Bridge leikvangi Chelsea í apríl.
Aganefnd enska knattspyrnusambandsins úrskurðaði Evra sekan í fjórum ákærðuliðum um óeðlilega hegðun er honum lenti saman við vallarstarfsmann Chelsea er hann var að hlaupa sig niður á vellinum eftir leik liðanna í ensku úrvalsdeildinni.
Chelsea fékk 25 þúsund punda sekt fyrir hegðun vallarstarfsmannsins en enska knattspyrnusambandið sagðist ekki hafa lögsögu til að refsa honum sjálfum sem einstaklingi fyrir málið.
Chelsea vann leikinn sem fór fram 26. apríl síðastliðinn 2-1. Vallarstarfsmaðurinn Sam Bethell var sagður hafa verið með kynþáttafordóma í garð Evra en það taldist ekki sannað. Chelsea neitaði alltaf þeim ásökunum.
Evra missir af deildarleikjum gegn Stoke City og Middlesbrough auk þriðju umferðarinnnar í FA Cup gegn Southampton og fyrri leiknum í undanúrslitum deildabikarsins.
Hann getur spilað gegn Chelsea 11. janúar næstkomandi en sá leikur fer fram á Old Trafford.
Athugasemdir
