Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mið 20. maí 2009 07:00
Fótbolti.net
Spá fyrirliða og þjálfara fyrir 3.deild: C-riðill
KV er spáð fyrsta sæti riðilsins en Berserkjum er spáð þriðja sætinu.
KV er spáð fyrsta sæti riðilsins en Berserkjum er spáð þriðja sætinu.
Mynd: Fótbolti.net - Magnús Már Einarsson
Hvíta riddaranum er spáð öðru sæti og KFG því fimmta.
Hvíta riddaranum er spáð öðru sæti og KFG því fimmta.
Mynd: Fótbolti.net - Hörður Snævar Jónsson
Skallagrímur endar í fjórða sæti samkvæmt spánni.
Skallagrímur endar í fjórða sæti samkvæmt spánni.
Mynd: Fótbolti.net - Hilmar Gunnarsson
Fótbolti.net fékk alla þjálfara og fyrirliða í þriðju deild karla til að spá fyrir um lokaniðurstöðuna í sínum riðlum.

Í dag birtum við niðurstöðurnar úr C-riðli en þjálfararnir og fyrirliðarnir röðuðu liðunum í 1-5.sæti og fékk liðið í fyrsta sæti 5 stig, liðið í öðru sæti 4 stig og svo koll af kolli. Ekki var hægt að velja sitt eigið lið í spánni.

Spá fyrirliða og þjálfara í C-riðli:
1. KV 46 stig
2. Hvíti riddarinn 38 stig
3. Berserkir 37 stig
4. Skallagrímur 27 stig
5. KFG 22 stig
6. KFK 10 stig


1. KV
Heimavöllur: KR-völlur
Heimasíða: http://www.fckv.com/
KV var hársbreidd frá því að komast upp í aðra deildina í fyrra en liðið tapaði fyrir BÍ/Bolungarvík í undanúrslitunum í úrslitakeppninni. Liðið hefur fengið ágætis liðsstyrk í vetur og virðist líklegt til afreka í sumar. KV lék í B-deild Lengjubikarsins og var ekki langt frá því að fara áfram þar en liðið sigraði meðal annars Reyni Sandgerði og Hamar úr 2.deildinni.

2. Hvíti riddarinn
Heimavöllur: Varmárvöllur
Kynslóðaskipti urðu hjá Hvíta riddaranum í fyrra og liðið er aftur skipað ungum leikmönnum á aldrinum 17-22 ára núna í sumar. Hvíti riddarinn fór í úrslit í C deild Lengjubikarsins en varð að lúta í lægra haldi gegn Árborg þar. Mosfellingar enduðu í fimmta sæti í B-riðli í fyrra en samkvæmt spánni enda þeir ofar í ár.

3. Berserkir
Heimavöllur: Víkingsvöllur
Berserkir hafa fengið Hörð Sigurjón Bjarnason og Stefán Kára Sveinbjörnsson sem hafa leikið með Víkingi undanfarin ár og er það mikill liðsstyrkur fyrir liðið. Berserkir fóru í úrslitakeppnina í fyrra en hafa ekki náð sér jafn vel á strik í vor. Liðið er ekki lengur í samstarfi við Víking líkt og áður og því er ljóst að ungir strákar úr öðrum flokki munu ekki leika með Berserkjum í sumar.

4. Skallagrímur
Heimavöllur: Skallagrímsvöllur
Heimasíða: http://www.skallagrimur.is/
Skallagrímur fór í úrslitakeppnina í fyrra en liðið hefur orðið fyrir þónokkri blóðtöku síðan þá. Valdimar K. Sigurðsson, markahæsti leikmaður Íslandsmótsins frá upphafi, er tekinn við þjálfun liðsins. Hann mun einnig spila með liðinu en Valdimar gæti skoraði sitt 200.mark á Íslandmótinu í sumar.

5. KFG
Heimavöllur: Stjörnuvöllur
KFG er á sínu öðru starfsári en liðið var stofnað í fyrra og tók þá þátt í þriðju deildinni í fyrsta skipti. Fyrrum atvinnumaðurinn Lárus Guðmundsson er sem fyrr þjálfari og liðið er að mestu skipað leikmönnum úr Garðabæ.

6. KFK
Heimavöllur: Bessastaðavöllur/Kórinn
KFK kom inn í riðilinn á dögunum eftir að lið Snæfells ákvað að draga sig keppni. KFK er í miklu samstarfi við Álftanes og mun liðið leika flesta heimaleiki sína á Bessastaðavelli í sumar.
Athugasemdir
banner
banner
banner