Heimild: Sky
Javier Mascherano gæti farið til Evrópumeistara Barcelona.
Umboðsmaður Javier Mascherano leikmanns Liverpool ræddi við Barcelona í gærkvöldi og gæti svo farið að Evrópumeistararnir munu fá Argentínumanninn til liðs við sig.
Ekki hefur enn verið samið við Liverpool um kaupverð en enska félagið á að hafa leyft Walter Tamer umboðsmanni Mascherano að fara til Katelóníu og heyra hvað Börsungar hafa upp á að bjóða.
Rafa Benítez knattspyrnustjóri Liverpool hefur sagt að Barcelona búi ekki yfir því fjármagni sem þarf til að kaupa Mascherano en samlandi hans Lionel Messi vill ólmur fá hann til liðs við sig.
„Það væri frábært ef Barcelona myndi kaupa Javier, sem leikmann og sem vin,“ sagði Messi við The Sun.
„Það væri gott að hafa hann bæði innan vallar sem utan. Hann er frábær leikmaður og væri stórkostleg kaup.“
Athugasemdir
