Heimild: Sporting Life 

Real Madrid hefur farið mikinn í sumar á leikmannamarkaðnum og keypt mörg stór nöfn í knattspyrnuheiminum og hefur félagið verið að eltast við Alonso undanfarið til þess að fylla skarðið á miðjunni hjá sér.

Rafael Benitez, stjóri Liverpool vill fá málin upp á borðið og fá framtíð Alonso á hreint áður en hópurinn fer í þriggja daga frí á fimmtudag. Benitez segist ætla að slíta viðræður við Madrid ef að þeir leggi ekki fram 30 milljón punda verðmiðann á honum, en Torres vonast eftir að landi hans verði áfram hjá félaginu.

,,Það væri mjög léleg ákvörðun að selja Xabi. Hann heldur á spilunum mjög nálægt sér þannig ég veit ekki hvað mun gerast. Ég myndi setja óskir hans fram yfir allt annað að sjálfsögðu, en hann á þrjú ár eftir af samning sínum hér og ég myndi vera hæstánægður ef hann yrði áfram," sagði Torres.

,,Það væri alvarlega mikill missir ef hann myndi fara frá Liverpool í sumar," sagði hann að lokum.