Stjarnan hefur gengið frá samningi um að fá framherjann Ólaf Karl Finsen á láni frá AZ Alkmaar út þetta ár. Sigurður Hilmarsson formaður meistaraflokksráðs Stjörnunnar staðfesti þetta við Fótbolta.net í dag.
Ólafur Karl er uppalinn hjá Stjörnunni en hann fór til AZ Alkmaar í júní árið 2008.
Hann fékk á dögunum leyfi til að fara til Íslands á láni og ræddi í kjölfarið við Stjörnuna og KR.
Í dag var síðan gengið frá því að Ólafur Karl mun leika með Stjörnunni í Pepsi-deildinni í sumar.
Þessi sautján ára gamli leikmaður hefur leikið með yngri landsliðum Íslands en á þessu ári spilaði hann með U18 og U19 ára landsliðinu.
Athugasemdir