Heimild: Sky
Varnarmaðurinn sterki Gary Cahill mun ekki leika meira með Bolton á þessari leiktíð.
Cahill var ekki með Bolton gegn Fulham um helgina og nú hefur félagið greint frá því að hann sé með blóðtappa í hendi og verði því ekki meira með í vetur.
Meiðslin eru ekki bara áfall fyrir Bolton heldur einnig fyrir Cahill persónulega því að hann hefur verið orðaður við stöðu í enska landsliðinu.
Cahill á ekki landsleik að baki en orðrómur hefur verið um að Fabio Capello landsliðsþjálfari myndi velja hann í leikmannahópinn fyrir HM.
Nú er hins vegar ljóst að ekkert verður að því þar sem að Cahill verður frá keppni næstu mánuðina.
