Heimild: Sky
Louis van Gaal, knattspyrnustjóri Bayern Munchen, hefur hafnað því að taka við landsliði Nígeríu en hann hefur ekki útilokað að taka við landsliði síðar meir.
Þessi fyrrum stjóri Ajax stýrði hollenska landsliðinu í tvö ár í byrjun þessarar aldar en eftir það þjálfaði hann Barcelona og AZ Alkmaar.
,,Ég fékk tilboð frá Nígeríu, en ég hafnaði því," sagði van Gaal við Liga total television.
,,Þetta var ekki í fyrsta skiptið sem ég hafði fengið tilboð frá Nígeríu en mér finnst Bayern vera stór áskorun fyrir mig."
,,Ég held að Bayern geti verið síðasta félagsliðið mitt. Ég vil taka þátt í Heimsmeistaramóti."
