Óvenjuleg staða er kominn upp í B-riðlinum á Reykjavíkurmóti karla en Fylkir og Fram eru þar hnífjöfn í tveimur efstu sætunum þegar að öllum leikjum er lokið.
Bæði lið eru með sjö stig og markatöluna 5-3 og það sem meira er þá gerðu þau 3-3 jafntefli í innbyrðis viðureign sinni.
Því mun þurfa að kasta upp á það hvort liðið vinnur riðilinn og verður það gert í hádeginu í dag en þetta staðfesti Steinn Halldórsson formaður KRR við Fótbolta.net í dag.
Óljóst er hvaða mótherja Fram og Fylkir geta fengið undanúrslitunum en í A-riðli er KR komið áfram og Víkingur R. og Þróttur eiga bæði möguleika á að bætast í hópinn.
