Kristinn Jakobsson mun dæma leik Shakhtar Donetsk og FF Kalmar í kvöld.
Leikurinn er hluti af Copa del Sol æfingamótinu sem nú fer fram á Spáni. Shakhtar og Kalmar eru með Molde og FC Köbenhavn í A-riðli mótsins.
Áskell Gíslason og Frosti Gunnarsson verða aðstoðardómarar og Þóroddur Hjaltalín verður fjórði dómari í leiknum.
Hægt verður að fylgjast með leiknum í beinni útsendingu á skandinavískum sjónvarpsstöðvum.
